सुनचाँदी फेरि ऐतिहासिक उचाइमा, एकैदिन २० हजारभन्दा बढीले बढ्यो सुन

काठमाडौं । नेपाली बजारमा सुनचाँदीको मूल्यले आज फेरि नयाँ कीर्तिमान बनाएको छ । एकैदिन २० हजार ५ सय रुपैयाँले उक्लँदै सुनको भाउ हालसम्मकै उच्च बिन्दुमा पुगेको हो ।

नेपाल सुनचाँदी व्यवसायी महासङ्घका अनुसार आज एक तोला छापावाल सुनको मूल्य ३ लाख ३९ हजार ३०० रुपैयाँ कायम भएको छ । यसअघि बुधबार सुन प्रतितोला ३ लाख १८ हजार ८०० रुपैयाँमा कारोबार भएको थियो ।

सुनसँगै चाँदीको मूल्यले पनि नयाँ रेकर्ड बनाएको छ । आज चाँदी प्रतितोला २०५ रुपैयाँले बढेर ७ हजार ५०५ रुपैयाँ पुगेको छ। हिजो चाँदी ७ हजार ३०० रुपैयाँमा किनबेच भएको थियो ।

अन्तर्राष्ट्रिय सञ्चारमाध्यमहरूका अनुसार आज विश्व बजारमा सुन प्रतिऔँस ५ हजार ५६० अमेरिकी डलरमा कारोबार भइरहेको छ भने चाँदी (सेतो धातु) प्रतिऔँस १२० अमेरिकी डलरमा किनबेच भइरहेको छ ।