जेनजी आन्दोलनमा ज्यान गुमाउनेको संख्या ७२ पुग्यो

काठमाडौं । भदौ २३ र २४ गते भएको जेनजी आन्दोलनमा ज्यान गुमाउनेको संख्या ७२ पुगेको छ। प्रधानमन्त्री सुशीला कार्कीको पदभार ग्रहण कार्यक्रममा आन्दोलनका क्रममा मृत्यु हुनेको यो तथ्याङ्क सार्वजनिक गरिएको हो ।

अन्तरिम सरकारले आन्दोलनमा ज्यान गुमाउने सबैलाई सहिद घोषणा गरेको छ । साथै मृतकका परिवारलाई १० लाख रुपैयाँ क्षतिपूर्ति दिने निर्णय गरिएको छ । आन्दोलनमा घाइते भएका सबैको उपचार खर्च सरकारले बेहोर्ने पनि निर्णय भएको छ ।

प्रहरीका अनुसार मृतक मध्ये हालसम्म ४१ जनाको मात्र सनाखत भएको छ भने बाँकीको पहिचान प्रक्रिया जारी छ ।