तारकेश्वरमा माइक्रोबस दुर्घटना, मानवीय क्षति छैन

काठमाडौं । काठमाडौंको तारकेश्वरमा आज बिहान एक माइक्रोबस दुर्घटनामा परेको छ ।

तारकेश्वर नगरपालिका–७ अन्तर्गत साँग्ला खोलामा बागमती प्रदेश ०६–००१ ज ०५६२ नम्बरको माइक्रोबस खसेपछि दुर्घटना भएको प्रहरीले जनाएको छ ।

काठमाडौं–नुवाकोट सडक खण्डमा गुडिरहेको सो सवारी साधन चार्जिङ स्टेसनबाट बसपार्कतर्फ जाँदै गर्दा खोलामा खसेको चालकको भनाइ छ ।

उक्त समयमा गाडीमा चालक मात्र रहेका कारण मानवीय क्षति नभएको र चालक समेत सकुशल रहेको प्रहरीले स्पष्ट पारेको छ ।