३४ अंकको उछालसहित नेप्से उकालो, कारोबारमा करिब १० अर्ब

काठमाडौं । साताको कारोबारको चौथो दिन नेपाल स्टक एक्सचेञ्ज (नेप्से) परिसूचक ३४.४२ अंकले उकालो लागेको छ । आज सूचक १.२९ प्रतिशतले बढ्दै २,६९४.८२ बिन्दुमा पुगेको हो ।

आज ३१७ वटा कम्पनीका ३ करोड १ लाख ८२ हजार ३४१ कित्ता शेयर ८९ हजार ४६८ पटक किनबेच हुँदा कुल कारोबार ९ अर्ब ७४ करोड ४८ लाख ४३ हजार ३७५ रुपैयाँ पुगेको छ ।

धेरै दिनपछि आज सबै उपसूचकहरू हरियाली देखिए । जीवन बीमा समूह सबैभन्दा धेरै अर्थात् २.८३ प्रतिशतले उकालो लाग्दा निर्जीवन बीमा २.५१ र विकास बैंक समूह २.३१ प्रतिशतले बढे । बैंकिङ १।३६, वित्त १.९९, होटल तथा पर्यटन ०.७१ र जलविद्युत् ०.४७ प्रतिशतले उक्लिए ।

त्यस्तै, लगानी समूह १.०१, उत्पादन तथा प्रशोधन ०.६९, लघुवित्त ०.५६, म्युचुअल फण्ड ०.०६, व्यापार १.७६ र अन्य समूह ०.९१ प्रतिशतले बढेका छन् ।

आजको सत्रमा ग्रीन डेभलपमेन्ट बैंक लिमिटेड र खानीखोला हाइड्रोपावर कम्पनी का शेयर मूल्यहरू ९.९९ प्रतिशतले वृद्धि भई शीर्ष स्थानमा रहे ।