चिनियाँ कम्युनिस्ट पार्टीद्वारा रास्वपालाई बधाई, सहकार्य विस्तारको संकेत

काठमाडौं । चिनियाँ कम्युनिस्ट पार्टी (सीपीसी) ले राष्ट्रिय स्वतन्त्र पार्टी (रास्वपा) लाई औपचारिक पत्र पठाउँदै बधाई तथा शुभकामना व्यक्त गरेको छ ।

पत्रमा सीपीसीले रास्वपासँग विकसित हुँदै गएको सम्बन्धप्रति सन्तोष प्रकट गर्दै आगामी दिनमा दुई पक्षबीचको सहकार्य अझ सुदृढ हुने विश्वास व्यक्त गरेको छ । साथै, नेपाल–चीनबीचको राजनीतिक विश्वासलाई थप मजबुत बनाउँदै दुवै देश र जनताको हितमा सहकार्य अघि बढाउने प्रतिबद्धता दोहोर्‍याइएको छ ।

सीपीसीले रास्वपाका सभापति रवि लामिछाने र वरिष्ठ नेता बालेन्द्र शाह को नेतृत्वको प्रशंसा गर्दै उनीहरूको भूमिकाले नेपाल–चीन परम्परागत मित्रतालाई अझ उचाइमा पुर्‍याउने विश्वास व्यक्त गरेको छ ।

यसका साथै, सीपीसीले भविष्यमा दुवै पक्षबीच अनुभव आदानप्रदान, आपसी सिकाइ तथा द्विपक्षीय सम्बन्धलाई स्थिर र दीर्घकालीन रूपमा विकास गर्न सहकार्य गर्ने तयारी समेत जनाएको छ ।