समानुपातिक तर्फको मत मतगणना जारी, रास्वपा ५० लाख नजिक

काठमाडौं । समानुपातिक तर्फको मतगणना जारी छ । हालसम्म कुल एक करोड दुई लाख अन्ठाउन्न हजार ८४८ मतगणना भइसकेको आयोगले जनाएको छ ।

निर्वाचन आयोगले उपलब्ध गराएको बिहान ६ः३० बजेसम्मको विवरणअनुसार, राष्ट्रिय स्वतन्त्र पार्टी (रास्वपा)ले सबैभन्दा बढी मत पाएको छ । उसले ४९ लाख ३२ हजार २७८ मत पाएको छ ।

नेपाली कांग्रेसले १६ लाख ६८ हजार ९७८ पाएर दोस्रो स्थानमा छ ।

यस्तै, नेकपा (एमाले) ले १३ लाख ८६ हजार ४३१, नेपाली कम्युनिष्ट पार्टी (नेकपा) ले ७ लाख ४९ हजार ३६६, श्रम संस्कृति पार्टीले ३ लाख ४६ हजार ७९६, राष्ट्रिय प्रजातन्त्र पार्टीले ३ लाख २२ हजार ०८२ मत प्राप्त गरेको छ ।

त्यसैगरी, जनता समाजवादी पार्टी नेपालले एक लाख ६८ हजार ५३७, राष्ट्रिय परिवर्तन पार्टीले १ लाख ६४ हजार ७३२ र जनमत पार्टीले ७५ हजार ३१५ मत प्राप्त गरेको छ ।

हालसम्म रास्वपा, कांग्रेस, एमाले, नेकपा, श्रम संस्कृति र राप्रपाले थ्रेसहोल्ड कटाईसकेका छन् ।

प्रत्यक्ष तर्फका १६५ वटै क्षेत्रको नतिजा सार्वजनिक भइसकेको छ । प्रत्यक्षतर्फ रास्वपाले १२५, नेपाली कांग्रेसले १८, एमालेले ९, नेकपाले ८, श्रम संस्कृति पार्टीले ३ र राष्ट्रिय प्रजातन्त्र पार्टीले १ सिट जितेको छ ।