चुनाव लड्न सञ्चारमन्त्री जगदीश खरेलले दिए राजीनामा

काठमाडौं । सञ्चार, सूचना तथा प्रविधिमन्त्री जगदीश खरेलले मन्त्री पदबाट राजीनामा दिएका छन् । राष्ट्रिय स्वतन्त्र पार्टी (रास्वपा) बाट प्रतिनिधिसभा सदस्यका रूपमा उम्मेदवार बन्ने निश्चित भएपछि उनले सरकार छाडेका हुन् ।

खरेलले प्रधानमन्त्री सुशीला कार्कीलाई भेटेर औपचारिक रूपमा राजीनामा बुझाएका छन् । रास्वपाले उनलाई ललितपुर–२ निर्वाचन क्षेत्रबाट उम्मेदवार बनाउने तयारी गरेको पार्टी स्रोतले जनाएको छ ।

आगामी निर्वाचनलाई केन्द्रमा राख्दै मन्त्रिपरिषद्‌बाट राजीनामा दिने क्रम बढिरहेको छ । प्रधानमन्त्री कार्की नेतृत्वको मन्त्रिपरिषद्‌मा पछिल्ला दिनहरूमा देखिएको राजीनामाको श्रृङ्खलाले आगामी निर्वाचन नजिकिँदै जाँदा राजनीतिक गतिविधि थप तातेको संकेत गरेको छ ।