मेयर बालेनलाई पितृशोक, पिता रामनारायण शाहको निधन

काठमान्डु । काठमान्डु महानगरका मेयर बालेन्द्र शाह (बालेन) पितृ शोकमा परेका छन् । आइतबार स्वास्थ्य समस्या देखिएपछि नयाँ बानेश्वरस्थित सिभिल अस्पताल लगिएका उनका पिता रामनारायण शाहको उपचारकै क्रममा निधन भएको अस्पतालले जनाएको छ ।

पिसाब संक्रमण शरीरभरि फैलिएपछि अवस्था जटिल बन्दै गएपछि शाहलाई भेन्टिलेटरमा राखी उपचार गरिन्थ्यो । चिकित्सकहरूको प्रयासका बीच आज उहाँले अन्तिम श्वास त्यागेको अस्पतालले पुष्टि गरेको हो ।

प्रधानमन्त्री सुशीला कार्की बिहानै सिभिल अस्पताल पुगेकी थिइन् र मेयर बालेनका पिताको स्वास्थ्य अवस्थाबारे प्रत्यक्ष जानकारी लिएकी थिइन् ।