देशभर कमजोर मनसुनी प्रभाव, केही पहाडी क्षेत्रमा मध्यम वर्षाको सम्भावना

काठमाडौं । हाल देशभर मनसुनी वायूको प्रभाव कमजोर रहँदा स्थानीय वायूको आंशिक प्रभाव मात्र देखिएको मौसम पूर्वानुमान महाशाखाले जनाएको छ ।

आज दिउँसो देशको पहाडी भू-भागहरूमा सामान्य बदली रहनेछ भने बाँकी भू-भागमा आंशिक बदली रहने अनुमान गरिएको छ । कोशी, बागमती, गण्डकी र कर्णाली प्रदेशका पहाडी क्षेत्रका थोरै स्थानहरूमा मध्यम वर्षा हुन सक्ने सम्भावना छ । बाँकी क्षेत्रमा एक–दुई स्थानमा हल्का वर्षा हुन सक्नेछ ।

आज राति कोशी प्रदेशसहित देशका अन्य पहाडी भागहरूमा आंशिक बदली रहनेछ, भने बाँकी भू-भागमा मौसम मुख्यतः सफा रहने अनुमान गरिएको छ । कोशी प्रदेशसहितका पहाडी क्षेत्रका एक–दुई स्थानमा मध्यम वर्षा हुने सम्भावना रहेको महाशाखाले जनाएको छ ।

जनसाधारणलाई आवश्यक सतर्कता अपनाउन मौसम पूर्वानुमान महाशाखाले आग्रह गरेको छ ।