चार नवनियुक्त मन्त्रीले शपथ लिए, मन्त्रालयको जिम्मेवारी बाँडफाँट

काठमाडौं । राष्ट्रपति भवन शीतल निवासमा सोमबार आयोजित विशेष समारोहमा चार जना नवनियुक्त मन्त्रीहरूले पद तथा गोपनीयताको शपथ ग्रहण गरेका छन् ।

शपथ लिने मन्त्रीहरूमा महावीर पुन, अनिल सिन्हा, मदन परियार र जगदीश खरेल रहेका छन् ।

जिम्मेवारी बाँडफाँटका अनुसार अनिल सिन्हाले कानुन, न्याय तथा संसदीय मामिला, उद्योग, वाणिज्य तथा आपूर्ति र भूमि व्यवस्था, सहकारी तथा गरिबी निवारण मन्त्रालय सम्हाल्ने भएका छन् ।

त्यस्तै, मदन परियारलाई कृषि तथा पशुपंक्षी विकास मन्त्रालय, जगदीश खरेललाई सञ्चार तथा सूचना प्रविधि मन्त्रालय र महावीर पुनलाई शिक्षा, विज्ञान तथा प्रविधि मन्त्रालयको जिम्मेवारी तोकिएको छ ।