जेनजी आन्दोलनका दृश्यहरू माग्दै प्रहरीको सूचना

काठमाडौं । नेपाल प्रहरीले जेनजीको आन्दोलनका क्रममा भएका तोडफोड र आगजनीजस्ता गतिविधिको तस्बिर तथा भिडिओ उपलब्ध गराउन सार्वजनिक अपिल गरेको छ ।

शुक्रबार जारी सूचनामा प्रहरीले मंगलबार र बुधबारका दिन भएका घटनासम्बन्धी तस्बिर वा भिडिओ भए उपलब्ध गराउन आग्रह गरेको हो । प्रहरीले सामाजिक सञ्जालमा सार्वजनिक भएका भिडिओबाट पनि अनुसन्धान अघि बढाउने जनाएको छ ।

त्यसबाहेक त्यस्ता सामग्रीहरू nepalpoliceinfo@gmail.com मार्फत पठाउन सकिने बताइएको छ । भिडिओ पठाउने व्यक्तिको परिचय गोप्य राखिने प्रष्ट पारिएको छ ।