बालेन शाहले जेनजीलाई संयमित रहन गरे आग्रह

काठमाडौं । काठमाडौं महानगरपालिकाका मेयर बालेन्द्र शाह (बालेन) ले Gen Z लाई संयमित व्यवहार गर्न आग्रह गरेका छन् ।

सामाजिक सञ्जालमार्फत उनले भनेका छन्, “यो नितान्त नयाँ पुस्ताको आन्दोलन हो । प्रिय Gen Z, तपाईंहरूको हत्याराको राजीनामा आइसकेको छ । अब संयमित हुनु आवश्यक छ ।”

बालेनले थप बताएका छन्, “देशको जनधनको क्षति भनेको हामी सबैको आफ्नै सम्पत्तिको क्षति हो । अब तपाईं–हामी दुवै संयमित हुनु जरुरी छ । आगामी दिनमा तपाईंहरूको पुस्ताले नै देशको नेतृत्व गर्नु पर्नेछ । तयार रहनुहोला ।”

साथै, उनले जेनजीलाई सेना प्रमुखसँग वार्ताका लागि तयार हुन पनि सुझाव दिएका छन् । तर उनले चेतावनी दिएका छन् कि “वार्ता गर्नु अघि संसद् विघटन भएको हुनुपर्छ ।”