प्रधानमन्त्री केपी शर्मा ओलीले पदबाट दिए राजीनामा

काठमाडौं । प्रधानमन्त्री केपी शर्मा ओलीले पदबाट राजीनामा दिएका छन् । जेनजी आन्दोलन नियन्त्रणबाहिर गएपछि र ठूलो जनधनको क्षति भएपछि उनले राजीनामा दिने निर्णय गरेका हुन् ।

भ्रष्टाचार विरोध र सामाजिक सञ्जालमा प्रतिबन्धको विरोधमा जेनजीहरूले सोमबार प्रदर्शन गरेका थिए । सरकारी दमनमा उक्त प्रदर्शनमा १९ जनाको मृत्यु भएपछि आन्दोलन मंगलबार अझ चर्किएको थियो ।

प्रदर्शनकारीहरूले व्यापक तोडफोड र हिंसात्मक गतिविधि सञ्चालन गरेपछि अन्ततः प्रधानमन्त्री ओलीले राजीनामा दिएका हुन् ।