रमितेडाँडामा दुईवटा मोटससाइकल ठोकिँदा दुई जनाको मृत्यु

दोलखा । लामोसाँघु–जिरी सडकखण्डमा दुर्घटनामा परी मृत्यु भएको छ । गएराति दोलखाको भिमेश्वर नगरपालिका ६, रमितेडाँडामा दुईवटा मोटरसाइकल ठोक्किँदा दुई जनाको मृत्यु भएको हो ।

मृत्यु हुनेमा बैतेश्वर गाउँपालिका–३ मिर्गे घर भएका २६ वर्षीय श्याम बहादुर खत्री (सुजन) र भिमेश्वर नगरपालिका–५ माटीका २४ वर्षीय शिरिस बस्नेत रहेका जिल्ला प्रहरी कार्यालय दोलखाका सूचना अधिकारी श्रीराम तिमल्सिनाले जानकारी दिए ।

प्रहरीका अनुसार बा. ५३ प ८८९९ नम्बरको मोटरसाइकल र बा.प्र.०२–०३४ प ३२४२ नम्बरको मोटरसाइकल ठोक्किएका थिए ।

दुर्घटनामा गम्भीर घाइते भएका उनीहरुलाई उपचारका लागि च्छो रोल्पा अस्पताल चरिकोटमा पठाइएकोमा चिकित्सकले मृत घोषणा गरेका थिए ।

घटनामा बा.प्र.०२–०३४ प ३२४२ नम्बरको मोटरसाइकल चालक बैतेश्वर गाउँपालिका–५ का २५ वर्षीय निर्मल खड्का सामान्य घाइते छन् ।