राष्ट्रपतिबाट ‘केही नेपाल ऐन संशोधनसम्बन्धी विधेयक’ प्रमाणीकरण

काठमाडौं । राष्ट्रपति रामचन्द्र पौडेलले संघीय संसदबाट पारित ‘केही नेपाल ऐन संशोधन गर्न बनेको विधेयक’ प्रमाणीकरण गरेका छन् ।

बुधबार राष्ट्रपति कार्यालयले सार्वजनिक गरेको विज्ञप्तिमा प्रमाणीकरण नेपालको संविधानको धारा ११३(२) बमोजिम गरिएको उल्लेख छ । राष्ट्रपति कार्यालयकी प्रवक्ता शैलजा रेग्मी भट्टराईका अनुसार, उक्त विधेयक संघीय संसदका दुवै सदनबाट पारित भई प्रमाणीकरणका लागि पेश भएको थियो ।

विज्ञप्तिमा भनिएको छ, ‘संविधानको धारा ११३ को उपधारा २ अनुसार राष्ट्रपति पौडेलले आज विधेयक प्रमाणीकरण गर्नुभएको छ ।’