रसुवागढी बाढीमा बेपत्ता १८ जनाको नाम सार्वजनिक

रसुवा । रसुवाको रसुवागढी क्षेत्रमा मंगलबार बिहान आएको भीषण बाढीमा परी हराएका १८ जनाको पहिचान खुलेको छ । बिहान करिब ३ बजे गोसाइकुण्ड गाउँपालिका–२ मा बाढी पसेपछि उनीहरू सम्पर्कविहीन भएका हुन् ।

सशस्त्र प्रहरी बलका सहप्रवक्ता तथा डिएसपी शैलेन्द्र थापाका अनुसार, बेपत्तामध्ये तीन जना नेपाल प्रहरीका सुरक्षाकर्मी छन् । ती तीनै जना इलाका प्रहरी कार्यालय टिमुरेमा कार्यरत थिए ।
बेपत्ता प्रहरीहरूमा निम्न व्यक्तिहरू छन्ः

— प्रहरी सहायक निरीक्षक (असई) लालबहादुर श्रेष्ठ

— प्रहरी जवान मुन्ना ठाकुर

— प्रहरी जवान लोकेन्द्र बोहोरा

बाढीले पुरिएका व्यक्तिहरूमा ६ जना चिनियाँ नागरिक पनि परेका छन् । उनीहरूको नाम यसप्रकार छः

— यु युइ

— ली हुवाछिन

— याङ चुआन

— यु हाइ हाङ

— यु छिआओ छुइ

— जोउ योङ

त्यस्तै, गाडी चालकसहित अन्य नौ जना नेपाली नागरिक पनि हराइरहेका छन् । तीमध्ये तीन जना सवारी चालक भएको खुलेको छ । नेपाली बेपत्ता नागरिकहरूमध्ये नाम सार्वजनिक भएकाहरूः

— जिपन चौधरी (बर्दिया)

— सन्तोष दइत (बर्दिया)

— बुद्धिराम थारू (बर्दिया)

— लक्ष्मीनारायण थारू (बर्दिया)

— सुरेश थारू (बर्दिया)

— नरेन्द्र विक (बागलुङ)

— फुर्वा लामा (सिन्धुपाल्चोक)

— गोविन्द मोक्तान (सिन्धुपाल्चोक)

— लोकमान तामाङ (सिन्धुपाल्चोक)

लामा, मोक्तान र तामाङ सवारी चालक रहेको पुष्टि भएको छ ।

बाढीको प्रभावका कारण उद्धार कार्यमा कठिनाइ भए पनि सुरक्षाकर्मीहरू खोजीमा खटिएका छन् । स्थानीय प्रशासन र नेपाली सेना, सशस्त्र प्रहरी बल, नेपाल प्रहरीको संयुक्त टोली बेपत्ताहरूको खोजी कार्यमा सक्रिय छ ।