मेडिकल व्यवसायी दुर्गा प्रसाईं फेरि पक्राउ

काठमाडौं । मेडिकल व्यवसायी दुर्गा प्रसाईंलाई प्रहरीले फेरि पक्राउ गरेको छ । प्रहरीको केन्द्रीय साइबर ब्यूरो, भोटाहिटीको टोलीले उनलाई भक्तपुरबाट पक्राउ गरेको हो ।

ब्यूरोको टोलीले प्रसाईंलाई सोमबार भक्तपुरबाट नियन्त्रणमा लिएको हो । पक्राउपछि उनलाई आवश्यक अनुसन्धानका लागि ब्यूरोमा ल्याइएको बताइएको छ ।

प्रसाईंलाई कुन घटनामा र के आरोपमा पक्राउ गरिएको हो भन्नेबारे प्रहरीले भने तत्काल औपचारिक रूपमा जानकारी दिएको छैन । ब्यूरोले पक्राउको कारणबारे थप विवरण सार्वजनिक गरेको छैन ।

प्रसाईं यसअघि पनि विभिन्न घटनामा पक्राउ पर्दै आएका छन् । विशेषगरी सामाजिक सञ्जालमा अभिव्यक्ति तथा सामग्री प्रकाशनसँग सम्बन्धित विषयमा उनीमाथि साइबर कसुरअन्तर्गत अनुसन्धान हुने गरेको छ ।

पछिल्लो पक्राउ पनि साइबर ब्यूरोसँग सम्बन्धित रहेको भए पनि यसपटकको घटनाको प्रकृति र उनीमाथि लगाइएको आरोपबारे थप विवरण सार्वजनिक हुन बाँकी छ ।

प्रहरीले अनुसन्धान अघि बढाएपछि प्रसाईंविरुद्धको आरोप तथा पक्राउको कारणबारे थप तथ्य खुल्ने जनाएको छ ।