कोइँच मिथकमा बाल कथा लेखन कार्यशाला गोष्ठी सम्पन्न

काठमाडौं । रामेछापको कुँबुकाँस्थलीमा कोइँच मिथकमा बाल कथा लेखन मासम्बन्धी कार्यशाला गोष्ठी शनिबार सम्पन्न भएको छ । स्थानीय स्तरमा बाल साहित्यको विकास तथा शिक्षकहरूको सृजनात्मक क्षमता अभिवृद्धि गर्ने उद्देश्यले आयोजना गरिएको उक्त कार्यक्रममा १० जना स्थानीय विद्यालयका शिक्षकहरूको सहभागिता रहेको थियो ।

कार्यशालामा नेपाल बाल साहित्य समाजका अध्यक्ष बिजयराज आचार्य, पत्रकार क्रान्ति तथा कलाकार भानुले सहभागी शिक्षकहरूलाई बाल कथा लेखनका विभिन्न विधि, शैली र सिर्जनात्मक अभ्यासबारे अनुशिक्षण प्रदान गरेका थिए । प्रशिक्षकहरूले बाल मनोविज्ञानअनुसार कथा निर्माण, सरल भाषा प्रयोग तथा सन्देशमूलक सामग्री तयार गर्ने विषयमा विशेष जोड दिएका थिए ।

कार्यक्रमको सहजीकरण उत्तमकुमार सुनुवारले गरेका थिए भने व्यवस्थापनको जिम्मेवारी देबकुमार सुनुवार, बिष्णु सुनुवार र नरोतम सुनुवारले सम्हालेका थिए । सहभागी शिक्षकहरूले कार्यशालालाई अत्यन्त उपयोगी र प्रेरणादायी अनुभवको रूपमा लिएका छन् ।

आयोजकका अनुसार यो कार्यशाला चैत्र २५ गतेसम्म सञ्चालन हुनेछ, जसमा थप व्यवहारिक अभ्यास तथा कथा प्रस्तुति कार्यक्रमहरू समावेश गरिनेछन् । बाल साहित्यको प्रवर्द्धनमा यस्ता कार्यक्रमले महत्वपूर्ण योगदान पुर्‍याउने विश्वास गरिएको छ ।