सिन्धुलीमा बलेरो दुर्घटना, चालकसहित १२ जना घाइते

काठमाडौं । सिन्धुलीको बीपी राजमार्गमा काठमाडौंबाट धापचौकी जाँदै गरेको बा.२० च ९३१ नम्बरको बोलेरो पिकअप दुर्घटना हुँदा चालकसहित १२ जना घाइते भएका छन् । दुर्घटना सुनकोशी गाउँपालिका–६ भालुखोला नजिक मरिन डाइभर्सन क्षेत्रमा बिहान करिब ११ः४५ बजे भएको हो ।

डबल क्याप बोलेरो अचानक अनियन्त्रित भई सडकबाट करिब ५० मिटर तल खसेको प्रहरीले जनाएको छ । घटनापछि इलाका प्रहरी कार्यालय खुर्कोट र सशस्त्र प्रहरीले संयुक्त रूपमा उद्धार कार्य सञ्चालन गरे । घाइतेहरूलाई सुनकोशी सामुदायिक अस्पताल खुर्कोटमा उपचारका लागि लगिएको छ । गोताखोर टोली पनि उद्धारमा खटिएको थियो ।

सिन्धुलीका चालक ओमबहादुर रानालाई प्रहरीले नियन्त्रणमा लिएको छ ।

घाइतेहरूको विवरण
१. मालती खुलाल (२०), सिन्धुली गोलञ्जोर–०४ — छाती र ढाडमा चोट, अवस्था सामान्य
२. भोजबहादुर थापा मगर (१७), सिन्धुली गोलञ्जोर–०४ — निधार, आँखा र टाउकोमा चोट, अवस्था मध्यम
३. प्रेम मगर — टाउकोमा गम्भीर चोट
४. जम्पा खुलाल मगर — निधारमा चोट, अवस्था सामान्य
५. सुसन मगर — निधारमा चोट, अवस्था मध्यम
६. केदार थापा मगर — छातीमा चोट, अवस्था मध्यम
७. रोजिना थापा मगर — छातीमा चोट, अवस्था मध्यम
८. ज्ञानेन्द्र मगर — टाउको र छातीमा चोट, अवस्था सामान्य
९. तारा बहादुर खुलाल — नाक, कम्मर र छातीमा चोट, अवस्था मध्यम
१०. नितेश मगर — अवस्था सामान्य
११. रोश्मी मगर — अवस्था सामान्य
१२. ओम आले मगर — छाती र ढाडमा चोट, अवस्था सामान्य
१३. चालक ओमबहादुर राना — दुवै घुँडामा सामान्य चोट, अवस्था सामान्य (प्रहरी नियन्त्रणमा)

यस दुर्घटनाको थप अनुसन्धान भइरहेको प्रहरीको भनाइ छ ।