कुलमान घिसिङको घोषणाः मन्त्री पदको सुविधा सहिद परिवारलाई

काठमाडौं । ऊर्जा, जलस्रोत तथा सिँचाइ मन्त्री कुलमान घिसिङले सोमबार पदभार ग्रहणसँगै मन्त्रीका हैसियतले पाउने सम्पूर्ण सेवा–सुविधा त्याग गर्ने निर्णय गरेका छन् । सिंहदरबारस्थित मन्त्रालयमा कार्यभार सम्हाल्दै उनले आफूले नलिने ती सुविधा सहिद परिवारलाई उपलब्ध गराउने घोषणा गरे ।

अन्तरिम सरकारमा मन्त्री बनेका घिसिङले सोमबारै राष्ट्रपति सामु पद तथा गोपनीयताको शपथ लिएका थिए । मन्त्री पदबाट प्राप्त हुने भौतिक सुविधा र विशेषाधिकारलाई सहिद परिवारलाई हस्तान्तरण गर्ने प्रतिबद्धता सार्वजनिक गर्दै उनले पदलाई जिम्मेवारी र सेवाको माध्यमका रूपमा उपयोग गर्ने संकेत दिएका छन् ।