एससिओ प्लस शिखर सम्मेलनमा प्रधानमन्त्री ओलीको सम्बोधन

काठमाडौं । प्रधानमन्त्री केपी शर्मा ओलीले आज शाङ्घाइ सहयोग सङ्गठन (एससिओ) प्लस शिखर सम्मेलनलाई सम्बोधन गरेका छन् । सम्बोधनका क्रममा उनले मुलुकको हित, द्विपक्षीय सम्बन्ध र अन्तर्राष्ट्रिय विषयहरूमा आफ्नो भनाइ राखेका थिए ।

चीनको थियानजिनस्थित थियानजिन मेइजियान सम्मेलन केन्द्रमा आइतबारदेखि सुरु भएको सम्मेलनमा प्रधानमन्त्री ओलीसहित सहभागी मुलुकका राष्ट्र तथा सरकार प्रमुखहरूले सम्बोधन गरेका छन् ।

प्रधानमन्त्री ओली चीनका राष्ट्रपति सी चिनफिङको मैत्रीपूर्ण निमन्त्रणामा भदौ १४ गतेदेखि पाँच दिने भ्रमणमा चीनमा छन् । भ्रमणको क्रममा उनले विभिन्न मुलुकका राष्ट्र तथा सरकार प्रमुखहरूसँग दुईपक्षीय भेटवार्ता जारी राखेका छन् ।

भ्रमणले नेपाल–चीन सम्बन्धलाई थप सुदृढ बनाउने विश्वास गरिएको छ ।