नागढुङ्गाबाट हुने आवतजावतको सास्ती हट्दैछः प्रधानमन्त्री ओली

काठमाडौं । प्रधानमन्त्री केपी शर्मा ओलीले नागढुङ्गाबाट यात्रा गर्दा भोग्नुपरेको सास्ती अब धेरै नटिक्ने दाबी गरेका छन् ।

आइतबार सामाजिक सञ्जालमार्फत उनले नौबिसे–नागढुङ्गा सुरुङमार्गको निर्माण कार्य ९३ प्रतिशत सकिएको जानकारी दिँदै अब छिट्टै सञ्चालनमा ल्याइने बताएका हुन् । सुरुङमार्ग सञ्चालनमा आएपछि नागढुङ्गा हुँदै आवतजावत गर्दा परिरहेको कष्टको अन्त्य हुने विश्वास प्रधानमन्त्री ओलीले व्यक्त गरेका छन् ।

उनले लेखेका छन्, ‘नौबिसे–नागढुङ्गा सुरुङमार्ग निर्माण अन्तिम चरणमा पुगेको छ । यसलाई शीघ्र सञ्चालनमा ल्याइएपछि नागढुङ्गाबाट ओहोरदोहोर गर्दा हुने कठिनाइ हट्नेछ ।’

साउन २६ गते बसेको मन्त्रिपरिषद् बैठकले सुरुङ छिर्दा तिर्नुपर्ने दस्तुरसमेत स्वीकृत गरिसकेको छ ।