इन्दिरा घिमिरे बनिन् मिसेस ग्लोबल नेपाल २०२५

काठमाडौं । यस वर्षको मिसेस ग्लोबल नेपाल २०२५ को उपाधि इन्दिरा घिमिरेले जितेकी छन् । बिहीबार राजधानीस्थित ज्यापु प्रज्ञा एकेडेमीमा सम्पन्न अन्तिम प्रतिस्पर्धामा निर्णायकको प्रश्नमा सटिक उत्तर दिँदै उनले ताज हात पारिन् ।

उपाधिसँगै घिमिरेले एनएफईए लण्डन २०२६ मा सहभागिताको इन्ट्री प्याकेज पनि प्राप्त गरेकी छन् ।

प्रतियोगितामा सन्ध्या नेपाल फर्स्ट रनरअप र सृजना घिमिरे शिवाकोटी सेकेन्ड रनरअप घोषित भए । हिमालयन मुभिजको आयोजनामा सम्पन्न यो प्रतियोगिता मिसेस ग्लोबल श्रृंखलाको आठौँ संस्करण थियो ।

एक दर्जन प्रतिस्पर्धी सहभागी उक्त कार्यक्रममा परिचय, भेषभूषा प्रदर्शन, प्रश्नोत्तर र क्राउनिङ चरण पार गर्दै उत्कृष्ट तीनले उपाधि जिते ।

तीन हप्तासम्म चलेको प्रशिक्षणको नेतृत्व चर्चित फेसन कोरियोग्राफर हिमानी सुब्बाले गरेकी थिइन् । प्रशिक्षण अवधिमा सहभागीहरूलाई व्यक्तित्व विकास, बोलीचाली, स्टेज प्रस्तुति, फोटोसुट, क्याटवाक, वौद्धिक अभिवृद्धि, सामाजिक उत्तरदायित्व लगायतका विषयमा सशक्त प्रशिक्षण दिइएको थियो ।

प्रतियोगितामा विभिन्न विधामा उपाधि जित्नेहरूः

• मोस्ट एट्राक्टिभ — इन्दिरा घिमिरे
• मोस्ट डाइनामिक — आशा घर्ती क्षेत्री
• मोस्ट स्मार्ट — लक्ष्मी खड्का राई
• मोस्ट चार्मिङ — कल्याणी देवी थापा
• मोस्ट कन्फिडेन्ट — सृजना घिमिरे शिवाकोटी
• मोस्ट प्यासोनेट — दिया बर्देबा
• मोस्ट एक्टिभ — रीता चौधरी
• मोस्ट डिसेन्ट — उमाकुमारी तामाङ
• बेस्ट पर्सनालिटी — मिना श्रेष्ठ
• बेस्ट ट्यालेन्ट — सन्ध्या नेपाल
• बेस्ट फोटोजेनिक — तारा तण्डुकार
• मोस्ट डिलाइटफुल — कविता अधिकारी
• मोस्ट डिलिजेन्ट — बिमला अधिकारी
• मोस्ट डेडिकेटेड — मञ्जु राई
• मोस्ट पपुलर — तारा तण्डुकार
• पब्लिक च्वाइस भिडियो — रीता चौधरी
• बेस्ट मल्टिमिडिया — सन्ध्या नेपाल
• बेस्ट ड्रेस — रीता चौधरी

कार्यक्रमको निर्णायक मण्डलमा अभिनेता तथा इभेन्टकर्मी एसराज गराच, नायक एवं निर्देशक मनिष राउत, क्यापिटल क्विन नेपाल २०२५ तथा फेसन डिजाइनर करुणा भुजेल, मिसेस मंगोल नेपाल २०२३ सरिता गुरुङ र कस्मेटोलोजिस्ट युनिषा शाही सहभागी थिए ।

विवाहित महिलाहरूको प्रतिभा, आत्मविश्वास र नेतृत्व क्षमतालाई प्रोत्साहन गर्ने उद्देश्यले आयोजना गरिएको यो प्रतियोगिता महिलाहरूका लागि प्रेरणाको स्रोत बनेको आयोजकको भनाइ छ ।