बागमती कांग्रेस संसदीय दलको नेतामा इन्द्र बानियाँ निर्वाचित

काठमाडौं । बागमती प्रदेशमा नेपाली कांग्रेसको संसदीय दलको नेतृत्व इन्द्र बानियाँले सम्हाल्ने भएका छन् । बुधबार सम्पन्न मतदानमा उनले २२ मत ल्याउँदै दलको नेतामा विजयी भएका हुन् ।

वर्तमान मुख्यमन्त्री बहादुरसिंह लामालाई १४ मत प्राप्त भयो । कांग्रेसका कुल ३७ प्रदेशसभा सदस्यमध्ये ३६ मत मान्य ठहरिएका थिए भने १ मत बदर भएको थियो ।

यसअघि ९ र १३ साउनमा गरी कांग्रेसका पाँच जना मन्त्रीले लामाविरुद्धको अविश्वास प्रस्तावमा हस्ताक्षर गर्दै राजीनामा दिएका थिए । त्यसयता नेतृत्व परिवर्तनको दबाब चुलिएको थियो ।

बानियाँ कांग्रेसको बागमती प्रदेश सभापति समेत हुन् । अब संसदीय दलको नेता चयन भएसँगै उनी मुख्यमन्त्री बन्ने सम्भावना प्रबल देखिएको छ ।