प्रधानमन्त्रीको अभिव्यक्तिविरुद्ध विपक्षीको अडान, प्रतिनिधि सभा बुधबारसम्म रोकियो

काठमाडौं । विपक्षी दलहरूको निरन्तर अवरोधका कारण प्रतिनिधि सभाको बैठक बुधबार बिहान ११ बजेसम्मका लागि स्थगित गरिएको छ ।

मंगलबार बसेको बैठकमा पनि विपक्षी सांसदहरूले विरोध जारी राखेपछि सभामुख डीपी अर्यालले बैठक स्थगित गर्ने घोषणा गरेका हुन् ।

प्रधानमन्त्री बालेन्द्र शाहले प्रतिनिधि सभामा दिएको ‘नेपालले पनि भारतको सीमा मिचेको छ’ भन्ने अभिव्यक्तिलाई लिएर विपक्षी दलहरूले आपत्ति जनाउँदै आएका छन् । उक्त भनाइ संसद्को अभिलेखबाट हटाउनुपर्ने मागसहित उनीहरूले लगातार सदन अवरोध गरिरहेका छन् ।

विपक्षी दलहरूले प्रधानमन्त्रीको अभिव्यक्तिले राष्ट्रिय हित र संवेदनशील सीमासम्बन्धी विषयमा भ्रम सिर्जना गरेको दाबी गर्दै रेकर्डबाट हटाउनुपर्ने अडान दोहोर्याएका छन् । सहमति जुट्न नसकेपछि बैठक सञ्चालन हुन नसकी पुनः स्थगित भएको हो ।