कांग्रेस केन्द्रीय कार्यसमिति बैठक मिति परिवर्तन, शुक्रबार बस्ने

काठमान्डु । नेपाली कांग्रेसले केन्द्रीय कार्यसमिति बैठकको मिति फेरि परिवर्तन गरेको छ । पार्टी केन्द्रीय कार्यालयद्वारा बुधबार जारी सूचनामा २०८१ मंसिर ११ गते (बिहीबार) बस्ने भनिएको बैठक मंसिर १२ गते (शुक्रबार) दिउो २ः०० बजेका लागि सारिएको उल्लेख छ ।

सूचनामा बैठक बी.पी. स्मृति भवन, बी.पी. नगर, ललितपुरमा बस्ने जनाइएको छ । बैठकमा केन्द्रीय कार्यसमितिका पदाधिकारी, सदस्य, आमन्त्रित सदस्य तथा सातै प्रदेश कार्यसमितिका सभापतिहरूको उपस्थिति हुन भनिएको छ ।

मिति परिवर्तनसम्बन्धी सूचना पार्टीका मुख्य सचिव कृष्णप्रसाद पौडेलले जारी गरेका हुन् ।

पार्टी महाधिवेशन सम्बन्धी ठोस निष्कर्षमा पुग्न नसक्दा कांग्रेसले लगातार बैठक सार्दै आएको छ । असोज २८ गते सभापति शेरबहादुर देउवाले उद्घाटन गरेको बैठक अझै निष्कर्षमा पुगेको छैन ।

महामन्त्री गगनकुमार थापा र विश्वप्रकाश शर्माले तत्काल विशेष महाधिवेशन गर्नुपर्ने धारणा राख्दै आएका छन् । उनीहरूका अनुसार नियमित महाधिवेशनको प्रक्रिया पूरा भइसकेकाले अब विशेष महाधिवेशन नै उपयुक्त विकल्प हो । तर संस्थापन पक्ष—सभापति शेरबहादुर देउवा नेतृत्वको समूह—फागुन २१ गते हुने प्रतिनिधि सभा निर्वाचनपछि मात्र महाधिवेशन गर्नुपर्ने पक्षमा छ ।

यही मतभिन्नताका कारण कांग्रेसको बैठक पटक–पटक स्थगित हुँदै आएको छ ।