भारतीय ग्यास बुलेटको ठक्करबाट किशोरीको मृत्यु, एक गम्भीर घाइते

चितवन । भरतपुरको मालपोत चोकमा भारतीय ग्यास बुलेटको ठक्करबाट एक किशोरीको मृत्यु भएको छ । मंगलबार बिहान करिब ७ बजे काठमान्डुबाट वीरगञ्जतर्फ जाँदै गरेको एनएल ०१ एल २४५३ नम्बरको ग्यास बुलेटले बागमती प्रदेश ०६–००५ प ३०५४ नम्बरको मोटरसाइकललाई ठक्कर दिँदा दुर्घटना भएको प्रहरीले जनाएको छ ।

दुर्घटनामा मोटरसाइकल चालक लमजुङ मध्यनेपाल–३ का ५२ वर्षीय राजकुमार श्रेष्ठ र उनलाई पछाडि सवार उनकी १८ वर्षीया छोरी राइना श्रेष्ठ घाइते भएका थिए । गम्भीर घाइते भएकी रैनाको पुरानो मेडिकल कलेजमा उपचारका क्रममा मृत्यु भएको जिल्ला प्रहरी कार्यालयका डिएसपी रवीन्द्र खनालले बताए ।

राजकुमारको भने पुरानो मेडिकल कलेजमै उपचार भइरहेको छ । दुर्घटनामा संलग्न ग्यास बुलेट र चालकलाई प्रहरीले नियन्त्रणमा लिएको छ ।