मनसुनको समाप्ति, देशभर मुख्यतः सफा मौसम

काठमाडौं । नेपालमा यो वर्षको मनसुन शुक्रबारबाट सम्पूर्ण भू-भागबाट पूर्ण रूपमा समाप्त भएको छ । हाल देशभर कुनै उल्लेखनीय मौसम प्रणालीको प्रभाव नरहेको मौसम पूर्वानुमान महाशाखाले जानकारी दिएको छ ।

आज दिउँसो कोशी प्रदेश, गण्डकी प्रदेश र कर्णाली प्रदेशका पहाडी भू(भागमा आंशिक बदली रहनेछ भने अन्य स्थानहरूमा मौसम मुख्यतया सफा रहनेछ । कोशी प्रदेशको पहाडी क्षेत्रमा एक-दुई स्थानमा हल्का वर्षा हुन सक्ने पूर्वानुमान गरिएको छ ।

आज रातिको मौसम पनि प्रायः सफ रहनेछ । कोशी प्रदेशका पहाडी भू(भागमा आंशिक बदली रहने सम्भावना छ भने अन्य सबै भू-भागमा मौसम मुख्यतया सफा रहनेछ ।

मौसम विभागले हालसालै कुनै ठूला प्रणाली सक्रिय नभएकोले दैनिक जनजीवन सामान्य रहने अपेक्षा गरिएको जनाएको छ ।