देशभर बदलीको स्थिति, कोशीसहितका प्रदेशमा भारी वर्षाको सम्भावना

काठमाडौं । हाल मनसुनको न्यून चापीय रेखा सरदर स्थानको आसपास अवस्थित रहेकाले देशभर मौसम बदली हुने देखिएको छ । मौसम पूर्वानुमान महाशाखाका अनुसार आज देशका अधिकांश स्थानमा बादल लाग्ने र केही क्षेत्रमा भारी वर्षा समेत हुन सक्ने सम्भावना रहेको छ ।

आज दिउँसो देशभर सामान्यतया बदली रहनेछ । विशेषगरी कोशी प्रदेश, बागमती प्रदेश, गण्डकी प्रदेश, लुम्बिनी प्रदेश तथा अन्य पहाडी भू(भागका केही स्थानहरूमा मध्यम वर्षाको सम्भावना रहेको छ । यी प्रदेशका पहाडी तथा तराई भू(भागका एक(दुई स्थानमा भारी वर्षा पनि हुनसक्ने चेतावनी दिइएको छ ।

महाशाखाले भारी वर्षासँगै पहिरो, बाढी तथा डुबानको जोखिम रहेका क्षेत्रका बासिन्दालाई सतर्कता अपनाउन आग्रह गरेको छ ।

आज राति कोशी, मधेश, बागमती र गण्डकी प्रदेश लगायत देशका अन्य पहाडी भू(भागमा साधारणतया बदली रहनेछ भने तराई भू(भागमा आंशिक बदली हुने अनुमान गरिएको छ । यी क्षेत्रका थोरै स्थानहरूमा मध्यम वर्षाको सम्भावना छ भने बाँकी भू(भागमा एक(दुई स्थानमा हल्का वर्षा हुनसक्ने जनाइएको छ ।

मौसममा देखिएको यो परिवर्तन आगामी केही दिनसम्म रहिरहने भएकाले यात्रु, किसान तथा नदी किनारका बासिन्दाहरूलाई आवश्यक सावधानी अपनाउन सुझाव दिइएको छ ।