बेइजिङमा भव्य सैन्य परेड, राष्ट्रपति सीको चेतावनी— ‘शान्ति वा युद्धको विकल्प’  (तस्विरहरू)

काठमाडौं । चिनियाँ राष्ट्रपति सी जिनपिङले बुधबार बेइजिङको तियानमेन चोकमा आयोजित देशकै सबैभन्दा ठूलो सैन्य परेडमा विश्व अहिले ‘शान्ति वा युद्ध’ को विकल्पको सामना गरिरहेको चेतावनी दिएका छन् ।

द्वितीय विश्वयुद्धमा जापानको पराजय भएको ८० वर्ष पूरा भएको अवसरमा आयोजना गरिएको उक्त भव्य कार्यक्रममा रुसका राष्ट्रपति भ्लादिमिर पुटिन र उत्तर कोरियाका नेता किम जोङ–उन प्रमुख पाहुना बनेका थिए ।

७० मिनेट लामो परेडमा क्षेप्यास्त्र, ट्याङ्क, ड्रोनलगायत अत्याधुनिक हतियार प्रदर्शन गरिएको थियो । हेलीकोप्टरले विशाल ब्यानर तानेर उड्दा लडाकु विमानले आकाशमा विभिन्न स्वरूप बनाएका थिए । कार्यक्रमको अन्त्यमा ८० हजार शान्ति पारा र रङ्गिन बेलुनहरू आकाशमा छोडिएका थिए ।

माओ त्से तुङको शैलीको सुटमा देखिएका राष्ट्रपति सीले खुला गाडीमा सैनिक निरीक्षण गर्दै उपस्थित ५० हजारभन्दा बढी दर्शकलाई सम्बोधन गरेका थिए ।

उक्त अवसरमा प्रधानमन्त्री केपी शर्मा ओलीसहित २० भन्दा बढी राष्ट्रका नेता उपस्थित थिए । राष्ट्रपति सीकी पत्नी पेङ लियुआनले पाहुनाहरूलाई स्वागत गरेकी थिइन् ।