विद्यालय शिक्षा ऐन माग गर्दै शिक्षक महासंघको पेरिसडाँडामा धर्ना

काठमाडौं । विद्यालय शिक्षा ऐन छिट्टै जारी गर्न दबाब दिने उद्देश्यले नेपाल शिक्षक महासंघले शुक्रबार नेपाल कम्युनिस्ट पार्टी (माओवादी केन्द्र) को केन्द्रीय कार्यालय, पेरिसडाँडामा धर्ना दिएका छन् ।

आन्दोलनको पहिलो चरण अन्तर्गत बिहान ११ बजेदेखि दिउँसो १ बजेसम्म दुई घण्टा धर्ना बसेका शिक्षकहरूले पार्टी नेतृत्वलाई ध्यानाकर्षण पत्रसमेत बुझाएका छन् ।

महासंघले विद्यालय शिक्षा ऐन लम्बिँदै गए शिक्षक र विद्यार्थी दुवै प्रभावित हुने भएकाले प्रमुख दलहरूले यसप्रति गम्भीरता देखाउनुपर्ने आग्रह गरेको छ ।