सदस्यता नवीकरणमा रोकपछि भण्डारीको पहिलो औपचारिक प्रतिक्रिया आज

काठमाडौं । नेपाल कम्युनिष्ट पार्टी (एमाले) ले सदस्यता नवीकरणमा रोक लगाएपछि पूर्वराष्ट्रपति विद्यादेवी भण्डारी पहिलोपटक सार्वजनिक रूपमा आफ्नो धारणा राख्न लागेकी छन् ।

उनले आज दिउँसो ३ बजे बबरमहलस्थित कार्की ब्याङ्क्वेटमा पत्रकार सम्मेलनको आयोजना गर्दैछिन् ।

भण्डारीले पत्रकार सम्मेलनमार्फत पार्टीसँगको सम्बन्ध, पछिल्लो विवाद र आगामी राजनीतिक यात्राबारे प्रष्ट पार्ने तयारी गरेको उनको सचिवालयले जनाएको छ ।

राजनीतिमा सक्रियता जनाइसकेकी भण्डारीले यसअघि पनि आफू पछि नहट्ने अडान सार्वजनिक रूपमा व्यक्त गरेकी थिइन् ।