काठमाडौं महानगरले कक्षा ११–१२ छात्रवृत्तिका लागि अनलाइन आवेदन खुला गर्‍यो

काठमाडौं । काठमाडौं महानगरपालिकाले कक्षा ११ र १२ मा छात्रवृत्तिमा अध्ययन गर्न इच्छुक विद्यार्थीहरूका लागि अनलाइन आवेदन खुला गरेको छ ।

महानगरको शिक्षा विभागले सार्वजनिक गरेको सूचनाअनुसार शैक्षिक सत्र २०८२/०८३ का लागि छात्रवृत्ति प्रवेश परीक्षाको तालिका तय गर्दै आवेदन प्रक्रिया सुरु गरिएको हो ।

इच्छुक विद्यार्थीहरूले असार २७ गतेसम्म अनलाइन आवेदन दिन सक्नेछन् । फाराम काठमाडौं महानगरपालिकाको आधिकारिक वेबसाइट वा entrance.kathmandu.gov.np मा गई भर्न सकिनेछ ।

छात्रवृत्तिका लागि लिइने छनोट परीक्षा साउन ३ गते बिहान ८ बजेबाट १० बजेसम्म सञ्चालन हुने जानकारी महानगरले दिएको छ ।

यो कार्यक्रम काठमाडौं महानगर क्षेत्रभित्रका संस्थागत शिक्षण संस्थाहरूमा कक्षा ११ र १२ अध्ययन गर्न चाहने विद्यार्थीहरूलाई लक्षित गरी सञ्चालन गरिएको हो ।