नेपाली सेनामा २८० अधिकृत क्याडेटको भर्ना खुल्यो, भदौ १८ सम्म आवेदन

काठमाडौं । नेपाली सेनाले सहायक सेनानी÷उपसेनानी तहका २८० अधिकृत क्याडेट पदमा खुला तथा समावेशी प्रतियोगितामार्फत भर्ना प्रक्रिया सुरु गरेको छ ।

शुक्रबार जंगीअड्डास्थित भर्ना छनोट निर्देशनालयले सार्वजनिक सूचना जारी गर्दै आवश्यक योग्यता पुगेका नेपाली नागरिकलाई आवेदन दिन आह्वान गरेको हो ।

सूचनाअनुसार रिक्त रहेका २८० पदमा खुला र समावेशी दुवै समूहबाट प्रतिस्पर्धाका आधारमा पदपूर्ति गरिनेछ ।

इच्छुक उम्मेदवारले भदौ १८ गतेसम्म निर्धारित प्रक्रियाअनुसार दरखास्त पेश गर्न सक्ने नेपाली सेनाले जनाएको छ ।