चलचित्र सेन्सर बोर्डमा पत्रकार कुबेर गिरीको नियुक्ति

काठमाडौं । रंगपत्रकारिता क्षेत्रमा लामो अनुभव बटुलेका पत्रकार कुबेर गिरी चलचित्र जाँच समिति (सेन्सर बोर्ड) सदस्यमा नियुक्त भएका छन् ।

सूचना तथा सञ्चार प्रविधि मन्त्रालयले मन्त्रीस्तरबाट गरेको निर्णयअनुसार गिरी आगामी दुई वर्षका लागि बोर्ड सदस्यका रूपमा रहनेछन् ।

झन्डै २० वर्षदेखि नेपाली रंग पत्रकारिता क्षेत्रमा क्रियाशील गिरीले विभिन्न पत्रपत्रिका, नेपाल टेलिभिजन र हाल रातोपाटी डटकममार्फत निरन्तर योगदान दिँदै आएका छन् ।

नेपाल टेलिभिजनका लागि आधा दर्जनजति टेलिसिरियल र चलचित्र केन्द्रित कार्यक्रमको निर्माण तथा निर्देशन गरिसकेका गिरी चलचित्र पत्रकार सङ्घमा केन्द्रीय उपाध्यक्षको जिम्मेवारी पनि सम्हालिरहेका छन् ।