पेट्रोलियम पदार्थको मूल्य घट्यो, मध्यरातदेखि नयाँ दर लागू

काठमाडौं । नेपाल आयल निगमले पेट्रोलियम पदार्थको मूल्य घटाएको छ । निगमका अनुसार गएराति १२ बजेदेखि लागू हुनेगरी पेट्रोलको मूल्य प्रतिलिटर तीन रुपैयाँले घटाइएको छ भने डिजेल र मट्टितेलमा प्रतिलिटर एक–एक रुपैयाँको कमी गरिएको छ ।

नयाँ मूल्यसूचीअनुसार पेट्रोल प्रतिलिटर १५६ रुपैयाँमा कारोबार हुनेछ भने डिजेल र मट्टितेलको मूल्य प्रतिलिटर १३६ रुपैयाँ कायम गरिएको छ ।

इन्डियन आयल कर्पोरेसनबाट माघ १ गते प्राप्त नयाँ खरिद मूल्यका आधारमा निगम सञ्चालक समितिले बिहीबार राति मूल्य समायोजन गर्ने निर्णय गरेको हो ।