देशभर आज बदली रहने, केही स्थानहरूमा मध्यम वर्षाको सम्भावना

काठमाडौं । आज दिउँसो देशभर साधारणतया बदली रहने जल तथा मौसम पूर्वानुमान महाशाखाले जनाएको छ ।

कोशी, मधेश, बागमती र गण्डकी प्रदेशका केही स्थानहरूमा तथा लुम्बिनी प्रदेशसहित बाँकी पहाडी भूभागका थोरै स्थानहरूमा मध्यम वर्षाको सम्भावना रहेको छ ।

कोशी, बागमती र गण्डकी प्रदेशको पहाडी भूभागका एक(दुई स्थानमा भने भारी वर्षा हुने सम्भावना रहेको छ । महाशाखाका अनुसार भारी वर्षाका कारण पहिरो, बाढी तथा पानीको बहाव बढ्ने सम्भावना भएकाले सतर्क रहन आग्रह गरिएको छ ।

आज राति देशको पहाडी भूभागमा साधारणतया बदली रहनेछ भने बाँकी भूभागमा आंशिक बदली रहने बताइएको छ । गण्डकी, लुम्बिनी र कर्णाली प्रदेशका पहाडी भूभागका थोरै स्थानहरूमा तथा तराईका केही स्थानहरूमा पनि मध्यम वर्षा हुन सक्ने जनाइएको छ ।