माछापोखरीमा बस दुर्घटना, २० भन्दा बढी घाइते

काठमाडौं । काठमाडौंको तारकेश्वरबाट माछापोखरी आउँदै गरेको यात्रुबाहक बस आज बिहान दुर्घटनामा परेको छ । दुर्घटनामा २० भन्दा बढी व्यक्ति घाइते भएका छन् ।

बा.५ ख ५० नम्बरको बस माछापोखरी बाइपासस्थित उकालो चोकमा पल्टिएको हो । स्थानीयका अनुसार मोटरसाइकललाई जोगाउने क्रममा बस असन्तुलित भई सडकमै पल्टिएको बताइएको छ ।

घाइते यात्रुहरूलाई तत्काल उद्धार गरी उपचारका लागि विभिन्न अस्पतालमा पठाइएको प्रहरीले जनाएको छ । प्रारम्भिक जानकारीअनुसार घाइतेमध्ये केहीको अवस्था गम्भीर छ ।

प्रहरी टोली घटनास्थलमा परिचालन गरिएको छ र दुर्घटनाबारे थप अनुसन्धान भइरहेको छ ।