लिपुलेक–कालापानी सम्झौताप्रति माओवादीको चासोः सरकारको स्पष्ट धारणा माग

काठमाडौं । प्रमुख प्रतिपक्षी दल नेकपा (माओवादी केन्द्र) ले भारत र चीनबीच लिपुलेक र कालापानीसम्बन्धी भनिएको सम्झौताप्रति सरकारको आधिकारिक प्रतिक्रिया सदनमा दिनुपर्ने माग गरेको छ ।

प्रतिनिधिसभाको बिहीबारको बैठकमा आकस्मिक वक्तव्य दिने क्रममा माओवादी केन्द्रका प्रमुख सचेतक हितराज पाण्डेले दुई छिमेकी मुलुकबीच भएको सम्झौताले नेपालका लागि चिन्ता र दुःख उत्पन्न गरेको बताए । उनले भने, ‘सरकारले नेपालको भूभागमाथि उठेका दाबीविरुद्ध के कदम चाल्दैछ भन्ने स्पष्ट जानकारी सदनलाई तत्काल दिनुपर्छ ।’

पाण्डेले राष्ट्रियता र सार्वभौमिकताको संवेदनशील विषयमा सरकार मौन रहन नसक्ने दाबी गर्दै, ‘देशको अखण्डता र सार्वभौमिकताको सवालमा ढिलाइ हुन हुँदैन,’ पनि उल्लेख गरे ।