राज्य व्यवस्था समितिको सभापति चयन चाँडो गर्न सभामुखले गरे दलहरूलाई आग्रह

काठमाडौं । प्रतिनिधिसभा सभामुख देवराज घिमिरेले प्रतिनिधिसभा अन्तर्गतको राज्य, व्यवस्था तथा सुशासन समितिको सभापति चयन प्रक्रिया छिटो अघि बढाउन संसदीय दलहरूलाई आग्रह गरेका छन् ।

संसद् भवन परिसरमा भएको कार्यव्यवस्था परामर्श समितिको बैठकमा सभामुख घिमिरेले समितिको सभापति चयनमा चासो व्यक्त गर्दै सम्बन्धित दलहरूलाई वातावरण तयार पार्न आग्रह गरे ।

प्रतिनिधिसभा नियमावली अनुसार, कुनै पनि संसदीय दलको सभापति पद रिक्त भएको १५ दिनभित्र नयाँ सभापति चयन गर्नुपर्ने व्यवस्था छ । यसैअनुरूप, सभामुख घिमिरेले दलहरूलाई समयसीमा भित्र पदपूर्ति गर्न आग्रह गरेका हुन् ।

संघीय निजामती विधेयकको कुलिङ अफ पिरियडमा देखिएको गडबडीमाथि प्रश्न उठेपछि समिति सभापति रामहरि खतिवडाले राजीनामा दिएका थिए ।