काठमाडौं उपत्यकामा चोरी भएका ४१ दुईपाङ्ग्रे सवारी फेला परे, धनीलाई हस्तान्तरण

काठमाडौं । काठमाडौं उपत्यकाको विभिन्न स्थानबाट चोरी भएका ४१ वटा दुईपाङ्ग्रे सवारीसाधन ट्राफिक प्रहरीले फेला पारी सम्बन्धित धनीलाई आइतबार हस्तान्तरण गरेको छ ।

काठमाडौं उपत्यका ट्राफिक प्रहरी कार्यालयमा आयोजित समारोहमा प्रहरी वरिष्ठ उपरीक्षक नवराज अधिकारीले १९ वटा मोटरसाइकल र २२ वटा स्कुटर धनीलाई फर्काइएको जानकारी दिएका छन्। उनले चोरी भएका सवारीसाधन फेला पार्ने क्रममा प्रहरीको सक्रियताले ठूलो सफलता हासिल भएको बताए।

सवारीसाधनहरू विभिन्न मितिमा प्राप्त भएका निवेदनको आधारमा खोजी गरिएको थियो। केही सवारीमा वास्तविक नम्बर प्लेट राखिएको भए पनि केहीमा नक्कली नम्बर प्लेट प्रयोग गरिएको अवस्था पनि भेटिएको थियो।

ट्राफिक प्रहरीले जगाती, ठिमी, थली, नरेफाँट, काडाँघारी, लैनचौर, चापागाउँ, नयाँबानेश्वर, हात्तिसार, एयरपोर्ट, सिफल, पुरानो बसपार्क, स्वयम्भू, गोकर्ण, सुन्दरीजल, कपन, धापाखेल, गल्फुटार, नेपालटार, नयाँ बसपार्क र बालाजु लगायतका क्षेत्रहरूमा खोजी गर्दा चोरी भएका सवारी फेला पारेको हो।

अधिकारले नागरिकलाई सुझाव दिए कि आफ्नो सवारीसाधन सुरक्षित स्थानमा राख्ने, नियमित रूपमा लक गर्ने र सवारीको विवरण ट्राफिक प्रहरीमा दर्ता गराउने कार्यले चोरी र गैरकानुनी प्रयोग रोक्न मद्दत पुर्‍याउनेछ। यस कार्यक्रमले प्रहरी र नागरिकबीच विश्वास र सहकार्य बढाउने अपेक्षा गरिएको छ।