प्रतिनिधिसभाको आजको बैठकमा तिलगङ्गा नेत्र विश्वविद्यालय विधेयकमाथि छलफल हुने

काठमाडौं । संघीय संसद्को प्रतिनिधिसभा शुक्रबार दिउँसो १ बजे नयाँ बानेश्वरस्थित संसद् भवनमा बस्ने भएको छ ।

आजको बैठकको सम्भावित कार्यसूचीमा शिक्षा, विज्ञान तथा प्रविधिमन्त्री रघुजी पन्तद्वारा प्रस्तुत ‘तिलगङ्गा नेत्र विश्वविद्यालय विधेयक, २०८१’ माथि विचार गरियोस् भन्ने प्रस्ताव प्रमुख रहेको छ ।

यो विधेयक २०८१ सालको असार ४ गते राष्ट्रियसभामा दर्ता भएको थियो भने चैत ४ गते पारित गरिएको थियो ।

विधेयकले आँखा स्वास्थ्य शिक्षा, अध्यापन र अनुसन्धानलाई संस्थागत गर्दै विशेषज्ञ सेवा तथा आधुनिक प्रविधिको प्रयोगमार्फत तिलगङ्गालाई एक उत्कृष्ट प्राज्ञिक केन्द्रको रूपमा विकास गर्ने उद्देश्य राखेको छ ।