विवाहेत्तर सम्बन्धको जटिलताः प्रेमिकासँग होटल गएका युवकको रहस्यमय मृत्यु, एक युवती पक्राउ

जनकपुरधाम । जनकपुरधामको जिरोमाइलस्थित एक होटलमा बसेका विवाहित पुरुषको रहस्यमय मृत्यु भएपछि प्रेम सम्बन्धमा रहेको एक युवती प्रहरी फन्दामा परेकी छिन् ।

शनिबार राति जनकपुरधाम उपमहानगरपालिका–४ मा रहेको ‘एसपी एण्ड गेष्ट हाउस’ को कोठा नं= १०२ मा महोत्तरीको पर्सा गाउँपालिका–१ का ३२ वर्षीय विमलेश यादव -शनी_ र बलवा नगरपालिका–७ की २४ वर्षीया जुली झा सँगै बसेका थिए ।

होटलको सीसीटीभी फुटेज अनुसार आइतबार बिहान करिब २M५७ बजे यादव नग्न र रगताम्य अवस्थामा होटलको पहिलो तलाबाट खसेको दृश्य देखिन्छ । केही समयपछि जुली झा उनलाई छाडेर भागेको देखिन्छ ।

गम्भीर घाइते अवस्थामा भेटिएका यादव बोल्न सक्ने अवस्थामा थिए र प्रहरी पुग्दासम्म आफ्नै खुट्टाले एम्बुलेन्स चढेका थिए । तर जनकपुरको प्रादेशिक अस्पतालमा बिहान ७M४५ बजे उपचारका क्रममा उनको मृत्यु भयो ।

घटनापछि फरार भएकी झालाई आइतबार दिउँसो महोत्तरीको परौल क्षेत्रमा लुकेर भाग्न खोजिरहेको बेला प्रहरीले नियन्त्रणमा लिएको हो । उनलाई सोमबार धनुषा प्रहरीले पत्रकार सम्मेलनमार्फत सार्वजनिक ग/\यो ।

अनुसन्धानमा यादव र झाबीच विगत तीन वर्षदेखि विवाहेत्तर सम्बन्ध रहेको खुलेको छ । यादव विवाहित थिए र दुई सन्तानका पिता थिए । दुवै पक्षका परिवारले दुई वर्षअघि सम्बन्ध तोड्न प्रहरीमार्फत उजुरी दिएका थिए र त्यसपछि लेखिएको सहमतिपछि उनीहरूले सम्पर्क बन्द गरेका थिए । तर विदेशमा रहँदा समेत यादवले झासँग सम्पर्क जारी राखेका थिए ।

परिवारका अनुसार कतार बसाइका क्रममा यादवले झालाई करिब २७ लाख रुपैयाँ पठाएका थिए । पछिल्लो समय आर्थिक लेनदेनलाई लिएर झगडा चर्किएको देखिन्छ । प्रहरी स्रोतका अनुसार ब्ल्याकमेलिङ, सम्बन्ध विच्छेद र पैसा फिर्ताका विषयले हत्या योजनाबद्ध हुन सक्ने संकेत छन् ।