भिजिट भिसा प्रकरणबारे असन्तुष्टि, रास्वपा–राप्रपाको बैठक बहिष्कार जारी

काठमाडौं । राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा) ले आजको प्रतिनिधिसभा बैठक पनि बहिष्कार गरेका छन् ।

गृहमन्त्री रमेश लेखकको राजीनामाको माग गर्दै निरन्तर संसद् अवरुद्ध गर्दै आएका दुई दलले मंगलबारको बैठकमा पनि सहभागिता जनाएनन् ।

भिजिट भिसा दुरुपयोग प्रकरणको विषयमा सरकारले पूर्व मुख्यसचिव शंकरदास बैरागीको संयोजकत्वमा छानबिन समिति गठन गरे पनि रास्वपाले त्यसप्रति अस्वीकार जनाउँदै आएको छ ।

रास्वपाले केवल भिसा प्रकरणमै नभई संघीय निजामती सेवा विधेयक पारित गर्ने क्रममा देखिएको प्रक्रिया त्रुटिको पनि छानबिन हुनुपर्ने माग गर्दै आएको छ।