पूर्वराष्ट्रपति भण्डारी वीरगन्जमा, ५१ किलोको माला लगाएर भव्य स्वागत

काठमाडौं । नेकपा एमालेको सक्रिय राजनीतिमा फर्किएकी पूर्वराष्ट्रपति विद्यादेवी भण्डारी शनिबार पर्साको वीरगन्ज पुगेकी छन् । काठमाडौंबाट बाराको सिमरा विमानस्थल हुँदै वीरगन्ज पुगेकी भण्डारीलाई एमाले नेता–कार्यकर्ताहरूले भव्य स्वागत गरेका थिए ।

सिमरा विमानस्थलमै उनलाई ५१ किलोको माला लगाइदिएर सम्मान गरिएको थियो । स्वागतमा स्थानीय महिलाहरू समेत लामबद्ध भएर सहभागी भएका थिए ।

पूर्वराष्ट्रपति भण्डारी उद्योग वाणिज्य संघले आयोजना गरेको महिला उद्यमीहरूसँगको छलफल तथा अन्तरक्रियामा सहभागी हुन वीरगन्ज गएकी हुन् ।

प्रधानमन्त्रीसमेत रहेका एमाले अध्यक्ष केपी शर्मा ओलीले उनको पार्टी सदस्यता खारेज गरे पनि भण्डारी राजनीतिक गतिविधिबाट पछि हटेकी छैनन् । एमाले कार्यालयले ढोका बन्द गरेको अवस्थामा उनले भदौ ५ गते काठमाडौंको थापागाउँमा सम्पर्क कार्यालय खोलेर राजनीतिक सक्रियता तीव्र बनाएकी छन् ।