रास्वपाको दबाब कायम : गृहमन्त्रीको राजीनामा माग

काठमाडौँ । राष्ट्रिय स्वतन्त्र पार्टी (रास्वपा) ले भिजिट भिसा दुरुपयोग प्रकरणमा गृहमन्त्री रमेश लेखकको भूमिका स्पष्ट नभएको भन्दै विरोधको कार्यक्रम जारी राख्ने जनाएको छ ।

पार्टीले सो प्रकरणमा उच्चस्तरीय छानबिन समिति गठन गर्न सरकारसँग माग गर्दै आएको छ । आजको प्रतिनिधिसभा बैठकमा रास्वपाका सांसदहरूले गृहमन्त्रीको राजीनामा माग्दै सदनमा नाराबाजी गरे ।

रास्वपाले भिजिट भिसाको नाममा आप्रवासन कानुनको दुरुपयोग भएको र यसमा उच्च तहसम्मको संलग्नता हुन सक्ने भन्दै निष्पक्ष छानबिन आवश्यक भएको बताउँदै आएको छ ।