प्रहरी प्राविधिक समूहका १४ वरिष्ठ सई इन्स्पेक्टरमा बढुवा सिफारिस

काठमाडौं । नेपाल प्रहरीको प्राविधिक समूहअन्तर्गत कार्यरत १४ जना वरिष्ठ नायव निरीक्षक (सई) लाई इन्स्पेक्टर पदमा बढुवाका लागि सिफारिस गरिएको छ ।

बुधबार बसेको बढुवा समितिको बैठकले विभिन्न उपसमूहका वरिष्ठ सईहरुको नामावली सार्वजनिक गर्दै बढुवा सिफारिस गरेको प्रहरी प्रधान कार्यालयले जनाएको हो ।

स्वास्थ्य उपसमूहको नर्सिङतर्फ गीता बाराकोटी र निर्मला महत बढुवा सिफारिसमा परेका छन् ।

यस्तै, इन्जिनियरिङ उपसमूहअन्तर्गत आवास तथा भौतिक शाखाबाट चूडामणि विष्ट र प्रविण मचामसी इन्स्पेक्टरमा बढुवाका लागि सिफारिस भएका छन् ।

कम्प्युटर उपसमूहतर्फ कुन्दन कुमार झा, तीर्थराज खनाल र शान्ति शाक्यको नाम सिफारिस सूचीमा समावेश गरिएको छ ।

प्राविधिक समूहको सञ्चार शाखाबाट विजयकुमार शाह, हिरासिंह विष्ट, लिलाकुमार गोले तथा कुलबहादुर खड्का बढुवाका लागि सिफारिस भएका प्रहरी प्रधान कार्यालयले जनाएको छ ।

त्यसैगरी, विधिविज्ञान शाखाकी श्रद्धा लामा, केनाइन शाखाका कुमार मगर तथा संगीततर्फ कार्यरत गोपाल परियार पनि इन्स्पेक्टर पदमा बढुवाका लागि सिफारिस भएका छन् ।