मौसम पूर्वानुमानः केही पहाडी क्षेत्रहरूमा मध्यमदेखि भारी वर्षाको सम्भावना

काठमाडौं । हाल देशभर मनसुनी वायूको प्रभाव कमजोर रहेकाले व्यापक वर्षा नदेखिए पनि विभिन्न भू(भागमा स्थानीय वायूको प्रभावले गर्दा आंशिकदेखि साधारण बदलीको अवस्था रहेको छ । जल मौसम पूर्वानुमान महाशाखाका अनुसार, आज दिउँसोदेखि रातिसम्म विभिन्न पहाडी क्षेत्रहरूमा मेघगर्जन र चट्याङसहित मध्यम वर्षा हुने सम्भावना छ भने केही स्थानहरूमा भारी वर्षा पनि हुन सक्ने बताइएको छ ।

आज दिउँसो कोशी, बागमती र गण्डकी प्रदेशका पहाडी भू(भागमा केही स्थानहरूमा मध्यम वर्षा हुने सम्भावना छ । त्यस्तै, अन्य प्रदेशका पहाडी भू(भागमा थोरै स्थानहरूमा तथा तराईका एक(दुई स्थानहरूमा पनि वर्षा हुनसक्ने जनाइएको छ । विशेष गरी कोशी, बागमती र गण्डकी प्रदेशका पहाडी भू(भागमा भारी वर्षाको सम्भावना समेत रहेको मौसम पूर्वानुमान महाशाखाले जनाएको छ ।

आज राति गण्डकी र सुदूरपश्चिम प्रदेशसहित अन्य प्रदेशका पहाडी भू(भागमा साधारणतया बदली रहनेछ भने बाँकी भू(भागमा आंशिक बदलीको अवस्था रहनेछ । गण्डकी प्रदेशका पहाडी क्षेत्रका केही स्थानहरूमा, साथै कोशी, बागमती, लुम्बिनी र सुदूरपश्चिम प्रदेशका पहाडी भू(भागका थोरै स्थानहरूमा मध्यम वर्षा हुनसक्नेछ ।

सार्वजनिक तथा निजी यातायात, बाढी सम्भावित क्षेत्र, पहिरोको जोखिम रहेका भू(भागमा विशेष सतर्कता अपनाउन महाशाखाले सुझाव दिएको छ ।