बानियाँको नेतृत्वमा बागमती सरकार गठन, आठ मन्त्रीले लिए शपथ

हेटौंडा । बागमती प्रदेशमा नेपाली कांग्रेसका नेता इन्द्रबहादुर बानियाँको नेतृत्वमा नयाँ सरकार गठन भएको छ । बानियाँसहित आठ जना मन्त्रीहरूले मंगलबार प्रदेश प्रमुखको कार्यालयमा आयोजित विशेष समारोहमा पद तथा गोपनीयताको शपथ लिएका छन् ।

प्रदेश प्रमुख यादवचन्द्र शर्मा देवकोटाले संविधानको धारा १६८९२० बमोजिम कांग्रेस संसदीय दलका नेता बानियाँलाई मुख्यमन्त्री नियुक्त गरेका थिए । उनले नेकपा एमालेका छ र आफ्नै पार्टीका दुई गरी आठ मन्त्री सिफारिस गरेका थिए । सिफारिसअनुसार प्रदेश प्रमुखले मन्त्रीहरू नियुक्त गरेका हुन् ।

नवनियुक्त मन्त्रीहरूमा एमालेबाट दिनेशचन्द्र देवकोटा (भौतिक पूर्वाधार), जयराम थापा (श्रम तथा रोजगार), भरतबहादुर केसी (वन तथा वातावरण), मधुसुदन पौडेल (कृषि तथा पशुपक्षी), बिन्दु श्रेष्ठ (उद्योग) र किरण थापा मगर (स्वास्थ्य) रहेका छन् ।

त्यस्तै, कांग्रेसबाट कृष्णबहादुर तामाङ खानेपानी मन्त्रीका रूपमा र शिवराज अधिकारी अर्का मन्त्रीका रूपमा सरकारमा सहभागी भएका छन् ।