आयोगको प्रतिवेदन अझै प्रधानमन्त्री कार्यालय नआएको प्रधानमन्त्रीको भनाइ

काठमाडौं । प्रधानमन्त्री बालेन्द्र शाहले जेनजी आन्दोलनसम्बन्धी राष्ट्रिय मानव अधिकार आयोगको छानबिन प्रतिवेदन प्रधानमन्त्री तथा मन्त्रिपरिषद्को कार्यालयमा हालसम्म प्राप्त नभएको बताएका छन् ।

आइतबार प्रतिनिधि सभाको बैठकमा श्रम संस्कृति पार्टीका सांसद आर्यन राईले जेनजी आन्दोलनबारे तयार पारिएको छानबिन प्रतिवेदन कहिले कार्यान्वयनमा आउँछ भन्ने प्रश्न गरेका थिए । त्यसको जवाफ दिँदै प्रधानमन्त्री शाहले प्रतिवेदन अझै आधिकारिक रूपमा प्राप्त नभएको स्पष्ट पारे ।

प्रधानमन्त्री शाहका अनुसार प्रतिवेदन प्रधानमन्त्री कार्यालयमा पुगेपछि त्यसलाई सार्वजनिक गरिनेछ ।

‘प्रधानमन्त्री कार्यालयमा प्रतिवेदन आधिकारिक रूपमा आएको छैन । प्राप्त भएपछि सार्वजनिक गर्नेछौँ,’ उनले संसद् बैठकमा भने ।